手工啤酒成港女心頭好　達人話你知邊款最受歡迎？

現今港女傾心事，不一定去酒店或高級餐廳食High Tea，反而喜歡拉大隊落酒吧，齊齊飲現時相當流行的手工啤酒。手工啤酒成港女的新寵，TOPick 請來主要售賣手工啤酒的 Second Draft 餐廳酒吧負責人 May Chow，解構手工啤酒點解成近年香港女士心頭好。

1. 酒精度低唔易醉

一般啤酒的酒精度約 5% - 7%，普通酒量的女士或飲一兩杯已有醉意。有些手工啤酒的酒精可低至 3.5% - 4.5%，就算飲多一點，都可減低賣醉的機會。

2. 口味多元化 果味朱古力味都有

手工啤酒在釀製過程中，除必須有的水、麥、酵母及啤酒花外，還可以加入不同的材料，如生果、香草、朱古力等，甜甜的又或有果香，最適合女生的口味。

3. 靚靚酒標 呃like無難度

大部分手工啤酒的酒商，都很著力設計酒標，務求憑外觀先引起消費者的注意。故此手工啤酒通常都用上色彩繽紛的圖案及字體，女生見到這樣漂亮及過癮的酒標，都會爭住影相放上網，呃like話咁易。

【延伸閱讀】遊日免失禮 揸筷子有10戒

▲ 手工啤酒大多都會有色彩繽紛的酒標。(經濟日報圖片庫)

4. 最受歡迎的手工啤酒

現時香港女生最愛飲的手工啤酒是Hitachino White Ale，加入了橙皮及橙汁釀製，充滿果香；還有Kagua Blanc，味道清新，富有柚子氣息。

何謂手工啤酒

源自美國，以傳統方法、優質的材料釀造，像新鮮及特定品種啤酒花、百分百小麥、大麥及獨有酵母等。釀製時間比一般啤酒長，產量亦有限；而且沒經加熱殺菌處理，亦不加防腐劑，崇尚天然，香氣味道濃郁，口味較多樣化。

【其他熱話】紅酒都出罐裝　野餐出海至啱！

【其他熱話】甘牌燒鵝教分燒鴨燒鵝 點解鵝貴過鴨？

【其他熱話】Eason都食西灣河沙嗲串燒　秘製醬汁猶勝老巴刹串燒

【其他熱話】日本達人林慧美帶路 藥粧店5大必買之選

【其他熱話】跟發哥西環搵食 歎周秀娜激讚雞尾包